इजरायलमा नेपालीबाट ठगिएको उजुरी

इजरायलमा नेपालीबाट ठगिएको उजुरी
From:-Kantipur Daily May28,2009
विराटनगर, आफन्तले ठगेको भन्दै इजरायलमा रहेका नेपालीले त्यहाँस्थित नेपाली दूतावासमा उजुरी दिएका छन् । झापाको ज्यामिरगढी-८ की देवी सापकोटा इजरायलमा रहेका आठजना नेपालीसँग नेपालमा रहेका आफन्तलाई त्यहाँ लगिदिने आश्वासन दिएर ठगी गरी बेपत्ता भएको उजुरीमा छ ।
आफूहरूबाट रकम ठगेर लामो समयदेखि सम्पर्कविहीन भएपछि उनको टेलिफोन नम्बरमा सम्पर्क गर्दा अरूलाई फोन उठाउन लगाएर आफ्नाबारे केही नबताउन भन्ने गरेको इजरायलमा रहेकी सुनसरीको इनरुवाकी सुष्मा पौडेलले कान्तिपुरलाई टेलिफोनमा बताइन् । पछिल्लोपटक सम्पर्क भएका बेला सापकोटाले आफूहरूलाई उल्टै धम्क्याएको पौडेलले बताइन् । देवीले आफ्नाबारे सञ्चारमाध्यम वा अरू कुनै निकायमा खबर गरे नेपालमा रहेका आफ्ना बालबच्चा अपहरण गरिदिने धम्की दिने गरेको पौडेलले बताइन् ।
पौडेलसहित मन्जु शर्मा, आशा राई, टंकमाया उप्रेती, मीना लामा, उषा राई, हीरा तामाङ र सानु राईलगायतले इजरायलस्थित नेपाली दूतावासमा आफूहरू ठगिएको भन्दै देवीमाथि कारबाहीको माग गरेका छन् ।

Click Here For Return Home Page