बारामा महिलालाई जिउदै जलाउने प्रयास

नेपालीप्रेस डटकम / डिसीनेपाल डटकम -
संवाददाताबारामा गए राति एक महिलालाई जिउँदै जलाएर मार्ने प्रयास असफल भएको छ । बारा जिल्लाको छतवा गाविस वडा नम्बर ९ की ६० वर्षिया रेखा साह तेलीलाई जलाएर मार्ने प्रयास भएको हो ।पैसा सापट नदिएको झोंकमा स्थानीय राजेन्द्र महतो र राजदेव महतोले घरमै सुति रहनु भएकी साहलाई जिउमा मटि्टतेल खन्याएर आगो लगाई मार्ने प्रयास गरेका हुन । आगोले जलेर गम्भिर घाइते हुनु भएकी साहको वीरगञ्जको नारायणी उपक्षेत्रीय अस्पतालमा उपचार भइरहेको जिल्ला प्रहरी कार्यालय बाराले जनाएको ।
साहसंगै आगोले पोलेर घाइते भएका उहाँका २२ वर्षिय नाती विनोदप्रसाद साहको कलैया अस्पतालमा उपचार भइरहेको छ । घाइते साहको दुवै हत्केला जलेर क्षतविक्षत भएको छ । आगो लगाएर मार्ने प्रयास गरेका आरोपित दुवै जना फरार रहेको प्रहरीले जनाएको छ ।
मूख्य पेजमा फर्कन यहाँ थिच्नुस्