२ करोडको ढगी गरी गाविस अध्यक्ष फरार

नेपालीप्रेस डटकम / डिसीनेपाल डटकम
- संवाददातापश्चिम चितवन स्थित गितानगर गाविसका पूर्व गाविस अध्यक्ष मणीराज श्रेष्ठ २ करोड भन्दावढी रकम ठगी गरेर परिवार सहित भागेका छन् ।
विश्वास गरेर राख्न दिएको दुई सय भन्दा बढी किसानको २ करोड २७ लाख रकम लिएर श्रेष्ठ राजधानी गएर बसेको स्थानिय वासिन्दाले बताएका छन् । उनले २०१७ सालदेखि गाउँलेको रकम विश्वासका भरमा राख्दै आएका थिए । श्रेष्ठ ५ महिना अघि गाउँलेलाई थाहा नदिई परिवार सहित भागेका हुन् ।भाग्नु अघि उनले आफ्नो नाममा रहेको गाउँकै १५ कठ्ठा जग्गा छोरा अर्जुन श्रेष्ठको नाममा पास गरेको गाउँलेले जानकारी दिएका छन् । श्रेष्ठले विश्वासको भरमा गाउँलेको धान,मकै लागयतका खाधान्न समेत राख्ने गरेका थिए ।यसरी ठगिनेहरुमा हरिमाया अधिकारीको ७ लाख, रामराज न्यौपानेको ५ लाख, उदय तिवारीको ४ लाख, होमनाथ न्यौपानेको ४ लाख, पदमराज ढकालको साढे ५ लाख ,शालिकराम पोखरेल ४ लाख, सुरेन्द्र कल्याण ढकाल साढे दुईलाख रहेका छन् ।
त्यसैगरि विष्णुभक्त अधिकारी ३ लाख,बासुदेव तिवारी साढेदुईलाख,एकनाथ न्यौपाने ३ लाख, खेमलाल गौतम साढे २ लाख,नानी मैया पौडेल साढे ३ लाख, रामपियारी गुरुङ साढे २ लाख,कृष्णदेव अधिकारी ३ लाख, पुष्प न्यौपाने ३ लाख, गोविन्द न्यौपानेको ३ लाख ठगिएको छ । त्यस्तै डील्लीराम तिवारी ५ लाख, ऋषीराम तिवारी साढे दुईलाख,सीता लामिछाने साढे ३ लाख लगायत २ सय बढी किसानको नगद रकम श्रेष्ठले ठगी गरेका हुन । रकम फिर्ता गर्न पटक पटक गाउमै समिति बसेर पहल गरेपनि अहिलेसम्म रकम फिर्ता नभएपछि संघर्ष समिती गठन गरी पहल शुरु गरेको समितिक संयोजक नन्दप्रसाद लामिछानेले जानकारी दिनुभयो ।
यसअघि रकम फिर्ता गराउन ४ महिना अघि गाउँकै केदार कोइराला र काशीराज श्रेष्ठको मध्यस्थमा ठगी गरेर भागेका श्रेष्ठको गाउँ स्थित २ वटा घर र १८ कठ्ठा जग्गा गाउलेलाई दिने कुरा उठेपनि पछि उनीहरुले नै पहलका लागी आएका श्रेष्ठका छोरा अर्जुन श्रेष्ठलाई समेत भगाइएको स्थानिय वासिन्दाले बताएका छन् । अर्जुन समेत भागे पछि मध्यस्थकर्ताहरुले अब आफुहरुले सो रकमका सम्बन्धमा केही गर्न नसक्ने भन्दै पन्छिएको स्थानिय वासिन्दा बताउछन् ।
मूख्य पेजमा फर्कन यहाँ थिच्नुस्