मन्त्रिपरिषदको पहिलो निर्णय नै नारायणहिटीसम्बन्धी किन ?

May 28, 2009
अमृत पंडित इजराइल
मन्त्रिपरिषदको पहिलो निर्णय नै नारायणहिटीसम्बन्धी किन ?
सोमबार प्रधानमन्त्री माधवकुमार नेपालले राष्ट्रपतिबाट ईश्वर, देश र जनता कसैको पनि नाम नलिई शपथ खाए। तत्काल उनले एमालेका दुई मन्त्री नियुक्त गरेर उनीहरुलाई पनि त्यहीँ शपथ खुवाए। त्यसपछि सिंहदरबारमा मन्त्रिपरिषद्को पहिलो बैठक बस्यो। यो पहिलो बैठकले एउटा मात्र निर्णय गर्‍यो- त्यो हो रत्‍नपार्कमा गणतन्त्र स्तम्भ निर्माण गर्ने। यसलाई यही रुपमा प्रचार गरियो। तर वास्तवमा मन्त्रिपरिषद्ले नारायणहिटी दरबारभित्र निर्माण गर्न लागिएको गणतन्त्र स्तम्भलाई त्यहाँ नबनाउने निर्णय गरेको रहेछ। त्यसलाई चाहिँ लुकाइएको थियो। पछि मात्रै प्रधानमन्त्रीले स्वीकारे, जनताले पनि देख्‍न सकून् भनेर नारायणहिटीमा नभई रत्‍नपार्कमा बनाउने निर्णय गरिएको हो।
नारायणहिटीमा गणतन्त्र स्तम्भ निर्माण राजतन्त्रमाथि जनताको विजयको स्मरण गराउने अघिल्लो सरकारको तर्क थियो। यसै अनुसार स्मारक बनाउनका लागि बजेटसमेत निकासा गरिसकिएको थियो।

अघिल्लो सरकार कै पालामा नारायणहिटी दरबारलाई संग्रहालयका रुपमा सर्वसाधारणका लागि सार्वजनिक समेत गरिसकेको छ।

तर मन्त्रिपरिषद्को पहिलो बैठकले नै हतार हतार त्यसलाई उल्ट्याएर स्तम्भ नारायणहिटीमा नभई रत्‍नपार्कमा बनाउने निर्णय किन गरेको होला ? अचम्म ! संयोग मात्र हो कि भित्र केही संकेत लुकेको छ ?
amrit_pnd@yahoo.com

Click here for return home page